Angvik-konsertane gjennom snart 20 år

Helgas konsert med Frida Ånnevik er den 34. i rekken. Her et tilbakeblikk fra oppstarten i 2001

Det starta i Sollilia i 2001, Gro Kjelleberg Solli drog det heile i gang, med konsert heime oppi Lia. Ho hadde fått med seg ei gruppe, dei kalla seg Brann i Blått. Scena var låvebrua, og publikum sat på graset i bakkana ovafor løa.

Fra ein av konsertane oppi Lia

Dette vart starten på ei lang, lang rekkje med konsertar, kvar sommar kom det nye grupper og artistar opp dit. Og Gro ville og gjerne få med ungar frå nærområdet til å delta i konsertane. Denne blandinga av profesjonelle musikarar, og skuleungane, var eit framifrå og verdfullt samarbeid.

Det tekniske vart det med kvart Angvik Hornmusikk som tok seg av, i samarbeid med Indre Gjemnes Bygdekvinnelag, som stod for kaffe- og matsal. Og menyen var graut og bakels. Seinare vart det ein eigen komite som har vore administrativt ansvarleg for konsertane.

Mykje folk på kaia, her frå 2010

Fram til 2009 var alle konsertane oppi Sollilia. Med kvart vart det større behov for plass, scena måtte utvidas, og kjøkken og stue vart «backstage» for artistane. Det hadde no kome hotell nede i bygda, og arrangørane vart tende på å utvide konsertprosjektet til å ha fleire konsertar. Så frå  2009 vart det konsert både på hotellet, og oppi Lia. Og i tillegg vart det nokre år bygdedag på hotellområdet, med salsboder, konkurransar, minikonsertar, andeløp,  og omvising på museet og i galleriet. Populært, men svært arbeidskrevjande. 

Over 300 betalande på konsert med Ola Kvernberg, Gro 
Kjelleberg Solli, Unni Boksaasp og Frode Alnæs

I 2015 vart den siste konserten i Sollilia arrangert. Både huseigarar og komite syntes det med kvart vart for krevjande. Så den siste artisten der oppe, vart Lillebjørn Nilsen. Frå da av vart heile arrangementet lagt til Angvik Gamle Handelssted. Der har det sidan vore konsert på fredag og laurdag kveld. Ja, i 2017 vart det heile fire konsertar. Ein på fredag med Frode Alnes. Så på laurdag var det lunsjkonsert med Kari Rueslåtten, og på kveld var det Jack Vreesvijk. Og på søndag var det Gro Kjelleberg Solli, Erik Fostervoll og Øystein Sanbukt. Den siste var på Angvik Bedehus.

Kano-konkurranse var eit populært innslag under 
Sommarkonsertane

Dei to siste åra har aktiviteten vorte skore litt ned. I 2019 var det to konsertar, og i år blir det berre ein, med Frida Ånnevik. Men at det blir berre ein i år er på grunn av korona-situasjonen. Ein vil ha eit trygt arrangement, der ein vil gjennomføre strengt alle reglar vedr. pandemien. Difor fann vi det tryggast å berre ha ein konsert.

Frå markedsplassen

Stor spenning før finalane i kano-konkurransen

Også var det andeløp tilslutt...

Konsertane opp gjennom åra har hatt ulike namn, Lia-konsert, Sollilikonserten, Sommarkonsertane i Angvik, og no, Angvik-konsertane. Og det har vore svært mange ulike artistar og grupper som har vore med. Her er ei liste over deltakarane opp gjennom dei 19 åra:'

SOMMAR/ANGVIK-KONSERTANE FRÅ 2001

År	Artistar	Betalande
2001	Lia. Brann i Blått	70
2002	Lia. De Begredelige Piker	180
2003	Lia. Ferdafolk + Gro, Marit, Erik	120
2004	Lia. Hørkelgaddan,+ Gro, Marit, Erik, Flemkoret, Runhild	145
2005	Lia. Henning + John Pål + Gro m/born
2006	Lia. Annbjørg Lien, Kirsten Br. Berg, Steinar Ofsdal, Gro m/born	200
2007	Lia. Ola og Jorun Kvernberg, Gro m/born	152
2008	Lia.  Odd Norstoga. Gro m/born	210
2009	Hotellet: Brann i Blått Lia: Gjermund Larsen trio. Gro m/born	80
2010	Hotellet: Harald Haltvik-program, Helge Husby m.fl. Lia: Frode Alnæs, Jorun og Ola Kvernberg, Unni Boksasp, Gro	Over 300
2011	Hotellet: Henning + John Pål Inderberg Lia: Valkyrien Allstars + Gro m/born	160
2012	Hotellet: Jonas Fjeld trio. Lia: Brass Brothers + Gro m/born	150
2013	Hotellet: Rita Eriksen. Lia: Åsmund Norstoga + Gro m/born	110
2014	Hotellet: Vidar Johnsen. Lia: Hekla Stålstrenga	180
2015	Hotellet: Elg Lia: Lillebjørn Nilsen	150 140
2016 Kons. På hotellet	Fredag: Unni Wilhelmsen Lørdag: Anders Jægtvik m/band	150 150
2017	Fredag: kl.22.00: Frode Alnæs Lørdag kl. 14.30: Kari Rueslåtten Lørdag kl. 22.00: Jack Vreesvijk Søndag kl. 12.00 på Bedehuset:Gro, Erik, Øystein	130  62 150  62
2018	Fredag kl. 21.30:Brann i Blått+ Unni Boksasp,Marit, Erik. Lørdag kl. 18.00: Knut Anders Sørum trio. Lørdag kl. 22.00: deLillos	100 100 174
2019 25.-26. okt.	Fredag kl. 21.30: Stein Torleif Bjella Lørdag kl. 21.30: Henning Kvitnes og Trond Helge Johnsen	100         180
2020 31. okt.	Lørdag kl. 21.30: Frida Ånnevik	85 (koronarestr.)